एका मुलीच्या मनातलं...

बाबा काहीतरी सांगायचंय...

तुमच्या स्वप्नाळू परीला कोणताच नाही आहे त्रास
मानसन्मानाचा विनाकारण नाही कोणताच घाट
जीवनाच्या चांगल्या, वाईट आशांवर निर्विवाद
तुमचा प्रत्येक शब्द जणू अनमोल आशीर्वाद
तुमच्या कष्टाचं ऋण मुळीच नाही फेडायचं
ते शक्य नाही सगळं आयुष्य जरी मी झुरलं
ओरडण्यात तुमच्या दिसत असते काळजी
आईच्या कुरकुरण्याविरुद्ध मिळते साथ तुमची
दुर्लक्ष कधी तुमच्याकडे माझ्याच व्यापात होते
आठवणीने आठवण फक्त तुम्हालाच तेव्हा येते
पण बाबा मला काहीतरी सांगायचंय...बोलायचंय
सर्वात आवडता हिरो फक्त तुम्हीच कायम राहणार
आतापर्यंतच्या प्रत्येक निर्णयात फक्त होकार भरलात
पुढेही अशीच मिळेल होकाराची साथ, एवढंच हवं
स्वातंत्र्य बोलायचं, निवडीचं दिलंत तर काळजी सोडा
परीला तुमच्या स्वतःच्या हातात सत्ता तर देऊन पाहा
आजपर्यंत सगळं सांभाळलं तुमच्या खांद्याला खांदा देऊन
आता फक्त पाठीवर हात ठेऊन धाव म्हणून तर पाहा
तुमच्या कष्टाला जागण्याची एक संधी तर देऊन पाहा
मुलांपेक्षा मुलीला जपणारा तुमच्यासारखा माझा बाबा
म्हणजे नक्कीच, सर्वात नशीबवान आहे रे मी बाबा
कोणाच्याच विरोधाला तुम्ही कधीच नाही पडला बळी
मुलीच्या पाठीशी खंबीरपणे नेहमीच राहिलात उभे
अशीच साथ आयुष्यभर मिळत राहो, एकच मागणी... 

(स्वलिखित-by self)

©️वर्षा_शिदोरे