२६ जानेवारी: प्रजासत्ताक दिन 

विविधतेने नटलेल्या मनांत
भारतभूमीच्या वारसाचा ठेवा
सगळेच एकतेत नटलेले
प्रतीक शांततेचे जपलेले

सर्वधर्मसमभाव ब्रीद देशा 
शिकवण माणसास अशी 
स्वातंत्र्य, समता, बंधुता
शान भारतीय संविधानाची 

हक्कास पुरेपूर कर्तव्याची
जोड आपुलकीच्या भावनेची
मान सर्वास असा समानतेचा
तिरंगा बहुमान या देशाचा

भारतवीरांच्या श्वासाश्वासातून
देशप्रेमाचा वाहतो प्रेमळ झरा
एकदुसऱ्याचे करूया संरक्षण
ध्यास महान देशाच्या प्रतिष्ठेचा

प्रजासत्ताक दिनाच्या हार्दिक शुभेच्छा...!

(स्वलिखित-by self)

©️वर्षा_शिदोरे