हर्ष गुलाबी गारवा... 

झोंबणारा थंड वारा

वर ही थंडी गुलाबी 

रोखुन राहिलेल्या

या तुझ्या नजरा शराबी

नकळत अलगद तुझ्या 

मिठीत मग कैद होऊन जाणे

एकसंध एकसारखे आणि 

आपले एकरुप होणे

बंध कसा सोडवावा मग

आता ह्या लुप्त भावनांचा

अपराध हा तुझा माझा 

की हा दोष गारव्याचा...

झरे नात्यात उल्हासाचे 

संगीत संथ वाऱ्याचे 

गाणे कुडकुडत्या ओठांचे 

नाच वेड्याखुळ्या मनाचे 

सुगंध आपुल्या तणाचा 

मनसोक्त वाऱ्यात मिसळला 

बेभान बेधुंद शब्दांचा 

गारवा आवाजात जाणवला 

मिठीत येता कुशीत निजणे 

ऋतुचक्राचा खेळ साजरा 

अशांत जीवाला सुखावणारा 

भावनांना प्रेमाचा दुजोरा

(स्वलिखित-by self)  
First Duet with Dhiraj(Writer to be...)

© धीरज_मोरे

© वर्षा_शिदोरे